طورطية بالخضر
3بيضات + دانون مسوس + فلفلة + شوية من الجلبانة + خيزو مقطع مربعات صغار + بطاطا مقطعة مربعات صغار
نصلقو الخضر والفلفلة تشوى ونقيوها وتقطع مربعات كذلك ونخلطوهم مع بعض ونديروهم في مول ديال الفران مدهون بالزبدة
نخلطو البيض مع دانون مسوس شوية المعدنوس مقطع والملح وشوية الكمون والبزار وشوية التحميرة ونضيفو عليهم شوية الفرماج حمر محكوك الى جانا الخليط عاقد ممكن نضيفو عليه شوية الحليب كيبقى اختياري
نخلطو مزيان ونخويو الخليط على الخضر ومن الفوق نرشو شوية الفرماج محكوك وندخلوه الفران يكون سخون تقريبا 20 دقيقة
هاد الطورطية تصلح تكون كوجبة خفيفة للعشاء وبصحتكم