ديسير بدانون و الفلون
كنحتاجو اي فاكهة عندكم مثلا تفاح بنان فريز كيوي اللي متوفر عندكم
تقطعوهم مربعات وديرهم في اناء وضيفو ليهم 2 ياغورت
باي نكهة حبيتو فريز او بنان و فاني كنحتاج لنصف لتر حليب
و 3 ملاعق سكر وملعقة كبيرة مايزينا (النشا)و 2 ملاعق كاكاو
نخلطهم ونحطم فوق النار حتى يعقادو
والطبقة ديال فلون كنحتاج نصف لتر حليب وفلون ديال لفريز
و 3 ملاعق سكر وملعقة مايزينا ونعملها نفس الشيء
نديرها فوق النارمع التحريك حتى تغلي وتعقاد
ناخد مول وندير اول طبقة اللي هي ديال فواكه ودانون نسرحها مزيان
ونكب عليها الطبقة ديال الشكلاط وندخلها الثلاجة حتى تجمد مزيان
ونوجد طبقة ديال فلون ديال الفريز ونكبها عليها ونردها تجمد مزيان
وممكن تزيبنوها باش ما حبيتو انا زينتها بالفريز والشكلاط
وشوية كراميل من فوق
نتمنى تجربوها ولا تنسوني من صالح دعائكم
بالصحة و الراحة